注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

即使周遭非乐园 你我也要够健全 好的心地不要受损

 
 
 

日志

 
 

每当变幻时  

2008-02-15 04:17:09|  分类: X后感 |  标签: |举报 |字号 订阅

  下载LOFTER 我的照片书  |

E篇日志要用广州话嚟写,唔知点解,大概就好似我睇《每当变幻时》亦一定要睇粤语版。

如果唔係听到千嬅只歌,可能我都唔会去睇e出戏。好在我睇了,我無miss一出好电影。

唔算新戏了,上年(07年)6月嘅,都刚好係香港回归10周年。

今日(应该算两日了,家下又3点几了……)睇咗两次。

我点都估唔到,第一次睇完e出戏嘅时候,可以令到我摊喺床上面,大喊。

 

我好似有好多嘢想写,但係打咗好大段话之后又全部删晒。

真係唔知讲咩好。

 

 

“嚟咗呢度之后,我学识咗一个字。呢个字只有四个字母,但係,我就用咗10年时间,先至真正明白佢嘅意思。教识我嘅,係一个英文唔合格嘅人。”

“如果我唔知咩叫塘水滚塘鱼,睇下佢地就知。菜婆用咗一生嚟话俾我知一个街市女人嘅故事。但係,呢个一定唔係我嘅将来。”

“我记得,妙老豆心脏病猝死果日,只係得5.8度。係香港近10年最冻嘅一日,亦都係我人生最长嘅一日。”

“30岁嘅第一个朝早,我係一个男人嘅屋企,係一个街市佬嘅屋企。我望到一个我唔想要嘅将来。”

“我终于喺30岁之后搵到我嘅事业,但係,我仲未搵到一个值得嫁嘅人。”

“2007年,富贵墟终于清拆。10年里面,我想做嘅嘢唔係全部都做到。以前,我会觉得係失败。e家我觉得,我唔係失败。而係成功发现,所有嘅一切都只係一个过程。”

“呢一日,我同一本国际女性杂志做咗个专访。佢地用我化妆学校嘅名,起咗个题。做呢个故事嘅开始。”

(画面定格係化妆学校个名:Miss)

 

实在谂唔到写咩好。于是摘抄咗戏里面阿妙七次画外音,其实可以概括了一切。

Miss:错过、遗失、想念、单身。

10年先明白。

 

 

e个电影结局真係出乎意料嘅好,本来仲以为一定係大团圆结局。估唔到最尾都係遗憾收场。好在阿妙已经看透,可以淡然一笑。

e个结局虽然出乎意料,却又合情合理。

 

调转谂,就算阿妙一开头係应承鱼佬,好似菜婆咁做个平凡嘅街市婆。一样会同之后嘅“著名化妆师”失之交臂。

人生就係要选择,选择就係会失去。

每当变幻时。

 

同时仲摘抄咗一段我觉得颇搞笑嘅台词,阿妙精心打扮再见饼佬,但係发现饼佬已经有未婚妻,于是胡言乱语:

“唔麻烦,做晚餐米好咯。附近d客食完呢翻到office啱啱好两点窝。仲有啊,呢度位置又方便。坐两个火车站呢就可以去到澳门啦。而且啊,你地两公婆成日由尖沙咀翻到旺角啊,坐船啊仲方便。你地开分店果阵先再搵我啦。不过到时开生日party呢千祈唔好漏咗我一份窝。你唔请我都嚟嘎。”

 

之后就直冲商场,想买果个佢试咗n次个银包,尽管佢想象中嘅应该係一个好似prada咁嘅gucci:

“我要买果个银包。”

“有人买咗咯窝。”

“几时有货啊?”

“旧款限量版唔会再翻。”

“呢只有无唔係金属扣啊?”

“无窝。”

“呢只有无其他颜色?”

“都无。”

“呢个……唔睇啦,俾个新嘅我啊。”

“得翻呢个,要唔要啊?”

“要!”

佢果时29岁。佢要响30岁前搵到值得嫁嘅人。佢已经无得等。

其实e个世界上,边有好似prada咁嘅gucci。我地都响度追求我地想象中嘅嘢,但其实已经miss咗好多。到到最后当我地真正明白e个世界无好似prada咁嘅gucci,其他嘢亦一样拿唔翻了。

每当变幻时。

 

其实鱼佬都慘。我仲记得佢用杂志封面包礼物果时果个笑容,同埋对住电话个“对唔住,你拨打嘅用户……”响度喃喃自语个样。

我坚信最后抢银包果度佢已经知道个银包就係当初佢送果个。影相嘅时候佢一样係一片落寞。但係当嗌到1嘅时候,佢一样笑得好用力好开心。 我相信,佢亦都同阿妙一样睇得淡然,佢同样明白了miss嘅含义。

每当变幻时。

 

影片细节其实仲有好多嘢。郑融扮果个妇女三次唔同嘅成长、街市里面嘅各个人、妙老豆最后一日所做嘅事……

仲有,毕竟係香港回归10周年,依然有穿插住好多熟悉镜头:抢换西饼、市场不景气、"9.11"、“SARS”全民带口罩…… 只不过ed嘢太阔,可以唔去点留意亦都可以唔留意,我觉得。

 

当然亦唔係無缺点:鱼佬对阿妙嘅感情稍微有d唐突。猪肉佬当初为阿妙出去闯嘅,就算发达之后变心都应该要有些少交代。

 

但总而言之,真係一出少有嘅极佳港产片。推荐各位去睇下。90分钟,俾打机值得多。

 

怀缅过去 常陶醉 一半乐事
一半令人留泪
梦如人生 快乐永记取
悲苦 心刻藏骨髓

韶华去 四季暗中追随
逝去了的都已逝去
ah~常见明月挂天边 每当变幻时
便知时光去

-------music------

怀缅过去 常陶醉
想到旧事 欢笑面常流泪
梦如人生 试问谁能料
石头 他朝成翡翠

如情侣 你我有心追随
遇到半点风雨便思退
ah~常见红日照东方 每当见夕阳
便知时光去

-------music------

如情侣 你我有心追随
遇到半点风雨便思退
ah~常见红日照东方 每当见夕阳
便知时光去

 

以前,我会觉得係失败。e家我觉得,我唔係失败。而係成功发现,所有嘅一切都只係一个过程。

嗯,我知道了。

 

  评论这张
 
阅读(44)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017